Марал Ысқақбай: Ақыл-парасатқа жүгінейік...
<p style="text-align: justify;">Біз қазір қиын кезге тап болып отырмыз. Тып-тыныш жатқан елге тұтқиылдан жау шапқандай күйдеміз. Алматыдағы ағайындарды былай қойғанда, сонау Шымкент, Тараз жақтан қаралы хабарлар көбейді. Осы бір індеттен бақилық болған барша отандастарымыздың жандары жәннатта шалқысын!</p>
Бұл елге ғана емес, мемлекет басына да түскен сынақ секілді. Қиын жағдайларға қаншалықты дайын екенімізді көрсетіп берді. Әсіресе, медицина жағындағы кемшіліктеріміз сорайып-сорайып көрініп қалғандай. Не десек те, халқымызға төтеннен келген бұл қиындықты еңсеруіміз керек. Биліктің айтқан қатаң шараларын қатаң сақтауымыз керек. Байқауымша, оқшаулануды түсінбей жатқан қауым көп. Той-томалақ әлі де бар. Өз басым жақындарымның екі тойына тыйым салдым. Осы уақытта Алла бәрімізге сабыр берсін. Ақыл-парасатқа жүгінейік.
Марал ЫСҚАҚБАЙ,
жазушы