Еурокубокке қатысады
<p style="text-align: justify;">Ақпан айында УЕФА Англияның «Манчестер Сити» клубын қаржылық Fair Play ережесін бұзды деп айыптап, команданы екі жылға Еурокубок бәсекелерінен шеттеткен еді. Сондай-ақ 30 миллион көлемінде айыппұл салған.</p>
Бұл шешімге наразы болған клуб басшылығы Лозаннадағы Спорттық арбитраж сотына (CAS) шағымданып, жеңіске жетті деуге де болады. Күні кеше CAS «Манчестер Сити» клубының апелляциясына ішінара қанағаттанарлық деп танып, командаға келесі жылғы Еурокубок бәсекелеріне қатысуына рұқсат берді. Сонымен қатар айыппұл көлемін 30 миллионнан 10 миллионға дейін қысқартуға шешім қабылдаған.
Қазіргі таңда «Манчестер Сити» Ағылшын премьер-лигасында 35-турдан кейін 72 ұпаймен екінші орында келеді. Осылайша, «Сити» 2020/21 жылғы Чемпиондар лигасына қатысу құқығына ие болды.