Жол жиегінен табылған қыздың ата-анасы анықталды
<p style="text-align: justify;">Түркістан облысының Сарыағаш ауданда жергілікті полиция қызметінің учаскелік полиция инпекторы, полиция лейтенанты Палходжаев Берік жол бойында жалғыз өзі жүрген 2 жас шамасындағы қыз баланы тауып алған, деп хабарлайды <a href="https://egemen.kz/">Egemen.kz </a>ҚазАқпаратқа сілтеме жасап.</p>
Полицей бүлдіршіннің ата-анасын анықтау мақсатында шұғыл іздестіру жұмыстарын жүргізген. Нәтижесінде балақайдың анасын тауып, аман-есен қолына тапсырды.
2 жастағы баланың ата-анасы Түркістан облысы полиция департаментіне шексіз алғысын білдірді. Тексеру барысында анықталғандай, анасы үй шаруаларымен айналысып жүрген кезінде қараусыз қалған бүлдіршін ауладан белгісіз бағытқа қарай шығып кеткен.
Сонымен қатар, қыздың ата-анасына балаларды қараусыз қалдыруға болмайтындығы айтылып, түсіндіру жұмыстары жүргізілді.