Елордада 47 ойын терминалының иесі сотталды
<p style="text-align: justify;">ҚР Қаржы министрлігі Қаржы мониторингі комитетінің Нұр-Сұлтан қаласы бойынша Экономикалық тергеу департаменті елорда тұрғынына қатысты заңсыз ойын бизнесін ұйымдастыру фактісі бойынша қылмыстық іске тергеу жүргізді, деп хабарлайды <a href="https://egemen.kz/">Egemen.kz</a> ҚазАқпаратқа сілтеме жасап. </p>
Күдікті аса ірі көлемде пайда табу мақсатымен бір топ тұлғамен бірлесіп, Нұр-Сұлтан қаласының аумағында 47 ойын терминалын қолданып, заңсыз ойын бизнесін жүргізген.
"Нұр-Сұлтан қаласы Сарыарқа ауданының №2 сотының үкімімен елорда тұрғыны ҚР ҚК 307-б. 2-б. 2-т. сәйкес айыпты болып танылып, 2 жыл 6 айға бас бостандығын шектеу жазасына тартылды", делінген ҚР ҚМ Қаржы мониторингі комитетінің баспасөз қызметінде.