Атырау ауруханаларында 6 оттегі стансасы іске қосылады
<p style="text-align: justify;">Бұл туралы облыстық денсаулық сақтау басқармасының басшысы Нұрлыбек Қабдықапаров мәлімдеді, деп хабарлайды <a href="https://egemen.kz/">Egemen.kz.</a></p>
"Облыстық ауруханада, №2 облыстық ауруханада, облыстық кардиологиялық орталық пен Құрманғазы, Жылыой, Қызылқоға аудандық ауруханаларында орталықтандырылған оттегі стансасының құрылыс-монтаж жұмыстары жүргізіліп жатыр. Сонымен қатар, Индер, Исатай аудандық ауруханаларында оттегі стансасын орнатуды қаржыландыру мәселесі қаралуда" деді Нұрлыбек Қабдықапаров.
Оның мәліметіне қарағанда, медицина мекемелері 224 өкпені жасанды желдету, 27 рентген, 10 компьютерлік томография, 977 оттегі генераторымен, сондай-ақ, 1100 пульсоксиметрмен қамтылып отыр. Сондай-ақ, жеке қорғаныш құралдарының екі айлық қоры жасақталған. Дәрі-дәрмектің жеткілікті қоры бар.