Рут Бейдер Гинзбург қайтыс болды
<p style="text-align: justify;">АҚШ Жоғарғы сотының мүшесі Рут Бейдер Гинзбург 87-ге қараған шағында қайтыс болды. Оның қатерлі ісікке шалдығып, науқастанып жүргеніне біраз уақыт болған-ды.</p>
Гинзбург – АҚШ тарихындағы Жоғарғы сот судьясы атанған екінші әйел. Ол бұл қызметті 1993 жылдан атқарып келді. Сол кездегі АҚШ президенті Билл Клинтон оны Жоғарғы сот судьясы ретінде тағайындады. Гинзбург әйел құқығы мен гендерлік теңдік үшін күрескен судья ретінде танылған.
Рут Бейдер Гинзбург 1933 жылы Нью-Йорк қаласында дүниеге келген. Ол АҚШ-тың беделді оқу орындары Корнелл, Гарвард және Колумбия университеттерінде білім алған. Оқуын аяқтаған соң адвокат ретінде қызмет етіп, әйелдердің құқығын және дискриминацияға тап болған азаматтардың құқықтарын қорғаумен айналысты.