"Қазгидромет" Бурабайдағы балық қырылған көл суын тексерді
<p style="text-align: justify;">Әлеуметтік желілерде Щучье-Бурабай курорттық аймағының көлінде балықтардың қырылғаны туралы хабарлама тарады, деп хабарлайды <a href="https://egemen.kz/">Egemen.kz</a>.</p>
Ақпаратқа байланысты, 2020 жылғы 14 қыркүйекте "Қазгидромет" РМК Ақмола облысы бойынша филиалы Бурабай көлінің 5 нүктесінде жерүсті суларының сынамаларына жоспардан тыс іріктеу және талдау жүргізді:
1 нүкте: балықтардың қырылу орны;
2 нүкте: балықтардың қырылу орнынан оңға қарай 250 м;
3 нүкте: балықтардың қырылу орнынан оңға қарай 500 м;
4 нүкте: балықтардың қырылу орнынан солға қарай 250 м;
5 нүкте: балықтардың қырылу орнынан солға қарай 500 м;
ОБТ5 бойынша суды талдау нәтижелері норма шегінде (2,22-5,67 мг/дм3) және қауіпті металдар шоғырлануының шектен асып кетуі байқалмаған.