Қазына қаржысын қымқырған
<p style="text-align: justify;">Күні кеше Аягөз қаласының әкімі пара алып ұсталған. Енді міне, қазына қаржысы қым­қырылған. Шығыс Қазақстан облысында Эко­номикалық тергеу департаменті «Қазына» жедел ал­дын алу іс-шарасын жүргізіп, бюджеттен қара­жат жымқыру фактілерін анықтады.</p>
Қаржы мониторингі комитеті мамандарынының хабарлауынша, Глубокое ауданында ЖШС директоры азаматтарды жұмысқа орналастыру және жұмыс күші артық өңірлерден жұмыс күші тапшы өңірлерге көшіру бойынша жалған деректер ұсынып, 6,8 млн теңге сомасында бюджет ақшасын ұрлаған. Шындығына келгенде бағдарламаға қатысушылар іс жүзінде облыс аумағында тұрмаған.
Сонымен қатар Ұлан ауданында 13,4 млн теңге сомасында ақша ұрлау фактісі анықталды.
Жоғарыда көрсетілген фактілер бойынша Қылмыстық Кодекстің 189-бабы (сеніп тапсырылған бөтен мүлікті иемдену немесе талан-таражға салу) және 190-бабы (алаяқтық) бойынша сотқа дейінгі тергеу амалдары жүріп жатыр.
Шығыс Қазақстан облысы