А.Мамин Ресей үкіметінің төрағасы М.Мишустинмен келіссөз жүргізді
<p style="text-align: justify;">Премьер-Министр Асқар Мамин Мәскеу қаласына жұмыс сапары аясында Ресей Федерациясы үкіметінің төрағасы Михаил Мишустинмен келіссөз жүргізді, деп хабарлайды <a href="/" target="_blank" rel="noopener noreferrer">Egemen.kz</a></p>
Тараптар сауда-экономикалық, қаржы-инвестициялық, энергетика салаларындағы, сондай-ақ өнеркәсіптік кооперациядағы екіжақты ынтымақтастықты одан әрі арттыру мәселесін талқылады.
Еуразиялық экономикалық одақ форматындағы өзара іс-қимылдың өзекті мәселелері қаралды. COVID-19 індетінің таралуына қарсы күрес және екі елдің экономикасы үшін пандемияның салдарын жою жөніндегі бірлескен шараларға ерекше көңіл бөлінді.
Сонымен қатар Мәскеу қаласына сапар барысында ҚР Премьер-Министрі А.Мамин Ресейдің орталық мемлекеттік органдарының, мемлекеттік корпорациялары мен қаржы-банк құрылымдарының басшылығымен кездесулері жоспарланған.