Келесте "кува" да өседі
<p style="text-align: justify;"><span class="s2"><span class="bumpedFont15">Бұл біздің өңірге енді – енді жерсініп жатқан өсімдік. "</span></span><span class="s2"><span class="bumpedFont15">Бастау бизнесі" бағдарламасы бойынша оқып, сертификат ал</span></span><span class="s2"><span class="bumpedFont15">ған </span></span><span class="s2"><span class="bumpedFont15">Түркістан облысы Келес ауданының тұрғыны Айбек Сарибаев жас кәсіпкерлерге қолдау ретінде берілетін 505 000 теңге қаржылай грантты</span></span><span class="s2"><span class="bumpedFont15"> субтропикалық жеміс өсіруге жұмсап отыр, деп хабарлайды <a href="/" target="_blank" rel="noopener noreferrer">Egemen.kz</a>.</span></span></p>
Анар жемісінің "дашка бад", "кува" атты сорттарының 80 түп көшетін сатып алған жас бағбан бұл көшеттерді ауласындағы 10 соттық жерге отырғызған. Былтыр егілген көшеттерінен биыл алғашқы өнімін алды.
"Бұл жемістің көшеттерін Өзбекстан Республикасы Ферғана облысынан алып келдім. Бірінші жылы әрбір түбі 2-3 дана өнім берсе, биыл 5-6 келіден беруде. Бұл субтропикалық жемістің басқаларынан ерекшелігі құнсызданбайды және көктем мезгіліне дейін сапасын жоғалтпай сақтауға болады. 3-4 жылдан кейін жеміс ағаштарының әр түбі 50 келіге дейін өнім беретін болады", дейді кәсіпкер. Сондай-ақ, кәсіпкер ойдағы ісін жүзеге асыруға мемлекеттік бағдарламаның көмегі көп тигенін айтады.
Түркістан облысы