«Танымал әннің тарихы» кітабының тұсауы кесілді
<p style="text-align: justify;">Түркістан қаласында белгілі композитор, ғалым әрі журналист Бекжігіт Сердәлінің шығармашылық кеші өтті. «Өмірде де, өнерде де сан қырлы» атты шара сазгердің 60 жас мерейтойына арналды.</p>
Nur Otan партиясы Түркістан облыстық филиалы төрағасының бірінші орынбасары Бейсен Тәжібаев, Түркістан облысы мәдениет басқармасының басшысы Әзімхан Қойлыбаев, Қ.А.Ясауи атындағы ХҚТУ проректоры Камалбек Беркінбаев, профессор, дінтанушы Досай Кенжетайұлы және БАҚ өкілдері қатысқан салтанатты шара барысында композитордың «Танымал әннің тарихы» кітабының тұсауы кесілді. Кітапта профессор, Мәдениет қайраткері, Жастар сыйлығының лауреаты, композитор Бекжігіт Сердәлінің танымал әндердің авторларын тауып алып, ән тарихына қатысты өз ауыздарынан, көз көрген замандастарының естеліктерінен жазып алған эсселері топтастырылған.
Шығармашылық кешке келген қонақтар арнайы құттықтау хаттарын тапсырып, сазгерге сый-сияпат көрсетті. Кеш соңында облыстық мәдениет басқармасына қарасты «Оңтүстік-фильм» мекемесі әзірлеген «Өмірде де, өнерде де сан қырлы» атты фильм көпшілік назарына ұсынылды.
Түркістан облысы