Жоғары шенді полицей қамауға алынды
<p style="text-align: justify;">Жуырда Қызылорда об­лыстық полиция депар­таментінде лауазымды қыз­меткерлердің сыбайлас жемқорлыққа қатысы бар деген күдікпен ұстал­ған­дығы туралы сыбыс тараған еді. Департаменттің бас­пасөз қызметі әуелгіде бұл хабарды растаған да, те­ріс­теген де жоқ. Көп ке­шік­пей жұрт­ты алаң­датқан жайдың шын хабар екендігі анықталды.</p>
Бесінші қазан күні ІІМ Өзіндік қауіпсіздік департаменті қызметкерлері Қызылордаға арнайы келіп, ұйымдастырылған операция барысында облыстық Полиция департаменті Есірткі қылмысына қарсы іс-қимыл басқармасының бастығы мен осы құрылымның тағы бір қызметкерін ұстаған. Жоғары шенді қызметкерлер алаяқтық жасады деген күдікке ілініп отыр. Бүгінде екеуі де уақытша ұстау абақтысына қамаққа алынып, оларға ҚК-нің 190-бабының 3-бөлігімен сотқа дейінгі тергеп-тексеру амалдары жүргізілуде. Күдіктілерге қатысты соңғы шешімді кінәсінің дәрежелерін анықтай отырып сот шығарады.
Ел арасында облыстық Полиция департаменті бастығының орынбасары мен бірқатар лауазымды басшылар да қызметтерінен босатылғаны туралы әңгіме тараған. Бұл мәселе де анықталды, облыстық Полиция департаментінің бастығы Бектөре Сұлтан оларға қатысты қызметтік тексеру жүргізіліп жатқанын хабарлады.
– Департаменттің Өзіндік қауіпсіздік басқармасы қызметтік тәртіп пен заңдылықты нығайту, жеке құрам арасында сыбайлас жемқорлыққа қарсы іс-қимыл бойынша кешенді шараларды жалғастыра береді. Болған жағдайға байланысты қызметтік тергеу жүргізілуде. Заңбұзушылыққа қасақана барғандар қатаң жазаға тартылады. Оларға біздің қатарымызда орын жоқ, – деді облыстық Полиция департаментінің бастығы.
Қызылорда