Әскери қоян-қолтық ұрыста мықтылар іріктелді
<p style="text-align: justify;">Өскемен гарнизонының спорт кешенінде санитарлық талаптардың қатаң сақталуымен, "Шығыс" өңірлік қолбасшылығының әскери бөлімдері арасында әскери қоян-қолтық ұрыстан іріктеу турнирі өтті, деп хабарлайды <a href="https://egemen.kz/">Egemen.kz</a></p>
Қоян-қолтық ұрыстан "Шығыс" өңірлік қолбасшылығының біріншілігі әскери қызметшілер арасында армиялық қоян-қолтық ұрысты танымал ету және дамыту мақсатында өткізілді.
Әскерилер Отан қорғау жолында кез-келген жағдайларға әзір тұру керек. Бүгінгі жарысқа қатысушы әскери қызметшілер күш сынасып, физикалық тұрғыда дайын екендерін көрсетті.
- Жарысқа қатысушылар белсенді болды. Бірақ біреуі біреуінен басым түсері заңдылық. Жарыс қортындысы бойынша сержант Санат Садықов, кіші сержант Архат Баяхметов, ефрейтор Нұрболат Жұмабековтер іріктеу кезеңінен сүрінбей өтті, - дейді «Шығыс» өңірлік қолбасшылығы жауынгерлік даярлық Басқармасының аға бағыттаушы офицері капитан Нұржан Тұрымов.
Қоян-қолтық ұрыста мықтылық танытқан олар енді Қазақстан Республикасы Қарулы Күштерінің чемпионатында өз салмақ дәрежелері бойынша бақтарын сынайды.
Өскемен