Парламенттік сайлауға байқаушы болды
<p style="text-align: justify;">Сенатор Ғұмар Дүйсембаев Грузиядағы парламенттік сайлауды байқауға қатысты, деп хабарлады Парламент Сенатының баспасөз қызметі.</p>
31 қазанда Грузияда парламенттік сайлау болды. Қазақстан Республикасы Парламенті Сенатының депутаты Ғұмар Дүйсембаев ЕҚЫҰ Парламенттік Ассамблеясы миссиясының байқаушылар құрамында сайлау барысын бақылады.
ЕҚЫҰ ПА атынан халықаралық байқаушылар тобы парламенттік сайлауға үміткерлер ұсынған саяси партиялардың өкілдерімен кездесті.
Ал дауыс беретін күні халықаралық байқаушылар сайлау барысына мониторинг жүргізді. Қазақстандық парламентші Ғ.Дүйсембаев сонымен қатар ЕҚЫҰ-ның Демократиялық институттар және адам құқықтары жөніндегі бюросы миссиясының брифингінде медиа-панельдік пікірталасқа қатысушы болды.