Жетісулық өрендер жарады

<p style="text-align: justify;">Алматының дәл іргесіндегі Талғар қаласында садақ атудан ерлер мен жастар арасындағы Қазақстан біріншілігі өтті.</p>

Бірер күнге созылған жарыс барысында Алматы облысының өрендері өздерінің мықтылығын мойындатты. Барлығы 11 алтын, 4 күміс және 6 қола медальді олжалаған олар жалпы есепте алдарына жан салмады. Екінші және үшінші орындарға Шымкент пен Алматы қалаларының құрама командалары жайғасты. Тарқатып айтсақ, Оңтүстік өңірден келген оғландар 17 (3 алтын+10 күміс+4 қола) жүлде алса, Алатау баурайының өкілдері 10 (3+3+4) мәрте жеңіс тұғырына көтерілді.