Минскте маска тағып жүру міндеттелді
<p style="text-align: justify;">Беларусь астанасы Минскіде маска тағып жүру тәртібі енгізілді, деп хабарлайды <a href="https://egemen.kz/">Egemen.kz</a></p>
Бүгін Минскі қалалық атқарушы комитетінің отырысында жедел респираторлы вирусты инфекция мен коронавирустың алдын алу шаралары бекітілген №1069 шешімге өзгерістер енгізілді.
"Адамдар жұмыс орнында ғана емес, астанадағы кез келген мекемеге барғанда маска тағып жүруі міндетті. «Сондай-ақ, автобус, метро, такси сынды қоғамдық көліктің бәрінде маска тағып отыру қажет", деп толықтырды астана мэриясы.
Бүгіннен бастап қалада COVID-19 бен вирустық инфекциялардың алдын алу талаптарын қадағалау күшейтіледі. Жекеменшік нысандарының кез келген түрінің жетекшілері санитария-эпидемиологиялық талаптардың орындалуына барлық жағдайды жасауға міндетті.