Заңсыз қару сақтағандарды анықтады
<p style="text-align: justify;">Түркістан облысы полиция департаментінің бұйрығына сәй­кес қа­ра­ша айының 5-7-сі ара­лығында облыс көлемінде «Қа­ру» жедел-профилактикалық іс-ша­расы жүргізілген.</p>
Күн сайын қару саласындағы қылмыстар мен құқықбұзушылықтардың алдын алу мақсатында тәртіп сақшылары күндіз-түні жұмыс жасады. Нәтижесінде, Бәйдібек ауданы бойынша бұрын-соңды ішкі істер органдарында тіркелмеген және құжаттары жоқ 6 дана тегіс ұңғылы аңшы қарулары тәркіленіп алынды.
ҚР ҚК-нің 482-бабы «Жеке және заңды тұлғалардың қаруды заңсыз иеленіп алуы, беруі, өткізуі, сақтауы, алып жүруi, тасымалдауы» бойынша 6 жайт, 484-бабы «Қаруды сақтауға, сақтау мен алып жүруге iшкi iстер органдарының рұқсаты бар адамдардың азаматтық, қызметтік, марапаттық, коллекциялық қаруды, оның патрондарын иелену, беру, есепке алу, сақтау, пайдалану, тасымалдау, Қазақстан Республикасының аумағына әкелу, Қазақстан Республикасының аумағынан әкету және Қазақстан Республикасының аумағы арқылы транзитпен өткізу тәртібін бұзуы» бойынша бір дерек тіркелген. Қазіргі таңда аталған жайттарға байланысты қажетті сараптамалар тағайындалып, аталған қарудың барлығы тәркіленіп алынды. Сонымен қатар заңсыз қару сақтаған тұрғындарға осы баптар бойынша хаттама толтырылды.