Құқық қорғаушыларды кім қорғайды?

Естіген құлақтың жазығы жоқ ғой, былайғы жұрт «бәленбай жерге жұмысқа орналасу үшін бәленбай мың, мил­лион теңге ставка бар» десіп қалып жатады. Нақты дәлел, ашық айтылған пікір болмаған соң ол тақырып жө­нінде ауыз аша бермейтініміз шындық. Бірақ осы жолы «zha­lobi.kz» сайтына жариялаған Се­мей қалалық полиция бөлі­мі бас­шы­лығының заңсыз әре­кет­тері жөніндегі жазбаға көз жұма қа­рай алмадық. Ша­ғым аталмыш сайтқа 16 қазанда, орыс ті­­лін­­де жазылыпты. Қазақстан Рес­­пуб­­­ликасының Президенті Қ.Тоқаевтың, Сыбайлас жем­қор­лыққа қар­сы қыз­­­меттің бас­шысы АШпек­­­­баев­­­­­­­­­­­тың, ҰҚК төрағасы К.Мә­сі­­мов­тің аты­­­­­на жазылған ша­ғым­ды оқып шығып, қа­­зақ­ша­ладық.

«Шығыс Қазақстан облысы Семей қаласы Полиция бөлімінің бастығы, полиция полковнигі Мақсат Амантайұлы Зекеновке және оның «қорғаушысы» Шығыс Қазақстан облыстық Полиция департаментінің криминалдық полиция басқармасының бастығы Т.К.Исаевқа қатысты шаралар қа­былдауды сұраймыз. Олар қыз­мет­ке тағайындалған алғашқы күн­нен-ақ Семей қаласының жеке құ­рамын бопсалаумен айналы­са бастады. Зекенов қалалық полиция бөлімдерінің барлық басшыларынан ай сайын 10 000 доллардан, ал барлық қызмет жетек­шілерінен 3000 доллардан 7000 дол­ларға дейін ақша жинау керектігін бел­гілеп қойған. Осылайша, Зекенов Исаев­пен бірге полиция қызметкерлерін жұмыс істетуден бұрын металл қабыл­дағыштардан, спирт жабушылардан, алтынмен айналысушылардан, сауналардан ай сайын ақша жинаумен айналысуға мәжбүрлейді. Көрсетілген есеп-қисап құр сан ғана,  ешкім қылмыс ашумен айна­лыс­­пайды, кез келген іс жалған, сапасыз.

Зекенов полиция бөлімінің бас­тығы лауазымына тағайын­дал­ғаны үшін өзіне «қорған» болып жүрген азаматқа 80 000 доллар бергені белгілі. Ол өз үлесін қалдырып, қалған 50 000 долларды департамент бастығы Сағат Кентайұлы Мә­диевке берген. Өйткені Исаев пен Мәдиев өте жақын еді. Бұл жағдайды Семей қалалық полиция бөлімінің барлық жеке құрамы біледі.  Облыстағы барлық тағайын­­даулар Т.Исаев арқылы өтеді. Ол лауазымды қызметкерлерге ай са­йын ставка мөлшерін қойып, белгіленіп кеткендерді қамқорлығына алады.

Семей қаласының Полиция бөлі­мінен құпия материал­дар және құпияланған қылмыс­тық істер жоғалып, оған Ұлт­тық қауіпсіздік комитеті қыл­мыстық іс қозғап, артынша тоқ­татып тастаған. Сөйт­сек, Исаев 5-ші басқарма бастығына шығып, Семейден жиналған ақшамен мәселені шешкен.

Исаев пен Зекенов бір-бірі­мен құрдас, әрі жерлес. Сол себепті Исаев оны депар­тамент басшылығының алдында қорғаштайды. Ал жауапқа тартылмайтынын сезген Зеке­нов қылмыспен күрестен гө­рі жеке құрамнан ақша жинап, өзіне қымбат көліктер са­тып алумен айналысады. Мы­салы, басшылық қызметке тағайын­далған соң автосалон­нан өзіне «Toyota Hillux», әйе­ліне «Toyota Camry» көлігін сатып алған. Сонымен қатар қызметкерлерден жиналған ақ­шаға аңшылыққа арнайы жаб­дықталған «Toyota Prado» кө­лігін тапсырыспен құрас­тыртқан. Одан бөлек, Алма­тыдағы автосалоннан 2020 жы­лы шығарылған «Lexus 570» кө­лігін сатып алған. Алайда тамыз айының соңына қарай жоспар­лаған кезекті еңбек демалысы болмай қалып, су жаңа көлігін жеткізе алмаған.

Міне, осындай жемқорлар­дың кесі­рінен еліміз дамымай отыр. Бір отба­сыға 10 көлік, үш коттедж және Нұр-Сұл­таннан 5 пәтер не үшін қажет? Айына 350 000 теңге жалақы алатын қарапайым по­лиция полков­нигіне осыншама ақша қайдан келеді? Сіздерден осы басшы­ны және оның қорғаны Исаев Талантты жұмыстан босату­ларыңызды сұраймыз» делінген екен шағымда.

Соңына қарай шағым авторы «Sl.Ashat» деп көрсетілген. Демек, хат ано­нимді. Ал мәсе­ленің ақ-қарасы облыс дең­гейін­де тексерілетін көрінеді. 

Облыстық Полиция департаменті баспасөз қыз­метінің хабарлауынша, ано­нимді өтініште көрсетіл­ген дәлелдерді қызметтік тергеу аясында Шығыс Қазақ­стан облыстық Полиция депар­таментінің өзіндік қауіпсіздік басқармасы тексеретін болады. Ең бастысы, бармақ басты көз қыстылыққа жол беріліп қоймай, әділ тексеру болса болғаны. Әйтпесе құ­қық қорғаушылардың құқығын кім қор­ғайды?

Шығыс Қазақстан облысы