Ортақ мәселелердің кең ауқымы қаралды
<p style="text-align: justify;">Кеше Қазақстан Прези­дентінің көмекшісі – Қауіп­сіздік Кеңесінің Хатшы­сы Әсет Исекешев бейне­конференция форма­тында өткен Тәуел­сіз Мем­ле­кет­тер Достас­ты­ғына (ТМД) қатысушы мем­ле­­кеттердің қауіпсіздік ке­ңес­­тері хат­шыларының VIII оты­рысына қатысты, деп ха­барлады Ақорда сайты.</p>
Іс-шараға Ресей Қауіпсіздік кеңесінің хатшысы Н.Патрушев, Әзербайжан Қауіпсіздік кеңесінің хатшысы Р.Усубов, Армения Қауіпсіздік кеңесінің хатшысы А.Григорян, Қырғызстан Қауіпсіздік кеңесінің хатшысы Р.Мусаев, Тәжікстан Қауіпсіздік кеңесінің хатшысы Н.Махмудзода, Өзбекстан Республикасы Президентінің жанындағы Қауіпсіздік кеңесінің хатшысы В.Махмудов, Түрікменстан Мемлекеттік Қауіпсіздік кеңесінің хатшысы Ч.Аманов, Беларусь Қауіпсіздік кеңесі мемлекеттік хатшысының орынбасары В.Арчаков, Атқару комитетінің төрағасы – ТМД Атқарушы хатшысы С.Лебедев, ҰҚШҰ Бас хатшысы С.Зась қатысты.
Форум барысында Достастық елдеріндегі бүгінгі сын-қатерлер жағдайындағы ынтымақтастық мәселелерінің кең спектрі қаралды.
Соның ішінде коронавирус індетінің таралуына қарсы күрес пен жаңа биологиялық қауіптерге қарсы іс-қимыл кезіндегі мемлекетаралық шаралар, ақпараттық кеңістікті қорғау саласындағы ынтымақтастық мәселелері, төтенше жағдайлардың салдарын еңсеру жөніндегі өзара іс-қимыл, Ауғанстандағы қазіргі ахуал және басқа да бағыттар талқыланды.
Әсет Исекешев өз сөзінде аймақтық қауіпсіздіктің ең өзекті мәселелеріне, ТМД елдеріндегі тәуекелдер мен қауіптерді азайтуға мән берді. Атап айтқанда, коронавирус індетінің таралуына қарсы күрес, су-экологиялық және азық-түлік қауіпсіздігі, киберқауіпсіздікті қамтамасыз ету, есірткінің заңсыз айналымына, терроризм мен экстремизмге қарсы күресте бірлескен жұмыстардың қажет екеніне назар аударды.