Жамбылда қар құрсауында 51 адам қалып қойған
<p style="text-align: justify;">Жамбыл облысының Төтенше жағдайлар департаменті 51 адамды қар құрсауынан құтқарғанын хабарлайды, деп жазады <a href="/" target="_blank" rel="noopener noreferrer">Egemen.kz</a></p>
28 қарашада сағат 13:25 минутта Жамбыл облысы Жуалы ауданы, Республикалық маңызы бар "Алматы-Термез-Ташкент" автожолында (576-593 шақырымында) ТЖД-ның 5 қызметкері мен 2 дана техникасы қар құрсауында қалған 21 автокөлікті шығарды. Ондағы 51 адам құтқарылды. Оның ішінде 12 бала бар. Үш адам, оның ішінде екі бала басқа орынға көшірілді. Бұл туралы департаменттің Instagram-дағы парақшасында хабарланды.
Автожолдардың тазартылған учаскелеріне 21 жеңіл автокөлік сүйреп шығарылды.
Ведомство өкілдері жүргізушілерге абай болуын айтып, бұрқасын, тұман, көктайғақ туралы SMS хабарлама алған жағдайда мүмкіндігінше жолға шықпауға кеңес берді.