Ұлттық қауіпсіздік комитеті шекарада бірлескен операция өткізді
<p>2020 жылдың 20 қазан және 30 қараша аралығында ҚР Ұлттық қауіпсіздік комитетінің шекара қызметі «Ынтымақтастық» бірлескен шекара операциясын өткізуге қатысты, деп хабарлайды <a href="https://egemen.kz/">Egemen.kz.</a></p>
Комитеттің хабарлауынша, операция Шанхай ынтымақтастық ұйымына мүше мемлекеттер басшыларының шешіміне сәйкес өткізіліп, шекара кеңістігіндегі құқыққа қайшы әрекеттердің жолын кесуге бағытталды.
«ҰҚК Шекара қызметінің іс-қимылымен Қазақстан Республикасының шекарасын күзету саласында 254 құқық бұзу фактісінің жолы кесілді, заңсыз айналымнан шамамен 2 келі есірткі, 17 бірлік атыс қаруы, 126 оқ-дәрі, 3 діни-экстремистік мазмұндағы әдебиет басылымы алынды», - делінген ақпаратта.
Бұдан басқа, жалпы сомасы 11 миллион теңгеге 7 экономикалық контрабанда әрекетіне тосқауыл қойылды.
Әр ұстау фактісі бойынша қажетті қылмыстық-процессуалдық шаралар қабылданды.