Қазақ-қырғыз шекарасында героиннің ірі партиясы табылды
<p style="text-align: justify;">2020 жылдың 10 желтоқсанында инспекциялық-тексеріп қарау кешені мен «Джек» деген лақап атты қызметтік итті пайдалана отырып, автомобиль өткізу пунктінде Қырғызстаннан Қазақстанға «Б» деген азамат жүргізіп бара жатқан «Toyota Prado» автомашинасында қарап тексеруден жасырылған ерекше иісі бар ақ-сұр түсті заты бар пакеттер анықталды, деп хабарлайды <a href="https://egemen.kz/">Egemen.kz.</a> Бұл туралы ұлттық қауіпсіздік комитетінің баспасөз қызметі мәлімдеді.</p>
Ұсталып, алынған зат одан әрі іс жүргізу іс-қимылдары үшін ҰҚК Жамбыл облысы бойынша департаментіне тапсырылды. 2020 жылдың 11 желтоқсанында сараптама нәтижелері бойынша тәркіленген заттың салмағы 60 килограмм 370 грамм героин екені анықталды.
Қылмыстық кодекстің 286-бабының 4-бөлігі бойынша қылмыстық іс қозғалып, тергеу жүріп жатыр. Бұл бап бойыншаон бес жылдан жиырма жылға дейінгі мерзімге бас бостандығынан айыруға не өмір бойына бас бостандығынан айыру жазасы қарастырылған.