«Protecting bussines and investments» жемқорлықтың жолын кеседі
<p style="text-align: justify;">Сыбайлас жемқорлыққа қарсы іс-қимыл агенттігінің «Protecting bussines and investments» жобасы аясында кәсіпкерлер мен инвесторларды сыбайлас жемқорлыққа қарсы сүйемелдеу жұмыстары жүргізіліп келеді, деп хабарлайды <a href="https://egemen.kz/">Egemen.kz</a></p>
Жоба аясында Қызылорда облысында «Қызылорда композиттік материалдар зауыты» ЖШС мен Сыбайлас жемқорлыққа қарсы іс-қимыл агенттігінің облыс бойынша департаменті арасында өзара ынтымақтастық меморандумына қол қойылды.
Осылайша «Қызылорда композиттік материалдар зауыты» ЖШС-нің өңірде шыны талшықтарын және композиттік материалдар шығарып, осы бағыттағы импорттық матералдың көлемін азайтуға бағытталған жалпы құны 1,5 млрд теңгелік жобасын жүргізуде әкімшілік кедергілердің алдын алып, сыбайлас жемқорлыққа қарсы іс-қимыл бойынша өзара ықпалдастық пен ынтымақтастық құрудың негізі қаланды.
Шараға департамент басшысының бірінші орынбасары Б. Ниязов, облыстық индустриялық-инновациялық даму басқармасы басшысының орынбасары Ж. Берденова, инвестор Т.Боранбаев қатысты.
Бүгінгі күні Сыбайлас жемқорлыққа қарсы іс-қимыл агенттігінің Қызылорда облысы бойынша департаменті «Protecting bussines and investments» жобасы шеңберінде жалпы құны 555,8 млрд теңгені құрайтын 22 инвестициялық жобаны сыбайлас жемқорлыққа қарсы сүйемелдеуге алды.
Іс-шарада департамент басшысының бірінші орынбасары Б. Ниязов инвесторлар мен кәсіпкерлер үшін қолайлы бизнес климат жасау мақсатында жұмыстар жалғасатынын атап өтті.