Еліміздің алты өңірінде қолайсыз ауа райы күтілуде

<p style="text-align: justify;">Қазақстанның алты өңірінде ауа райына байланысты ескерту жарияланды, деп хабаралайды <a href="https://egemen.kz/">Egemen.kz</a></p>

20 желтоқсанда Нұр-Сұлтан қаласында қар жауып, бұрқасын болады.

Сондай-ақ Ақмола, Қарағанды, Павлодар, Солтүстік Қазақстан облыстарында қар жауады, кей жерлерде бұрқасын, тұман, солтүстік, солтүстік-батыстан секундына 15-20 метр жел соғады.

20 желтоқсанға қараған түні Түркістан облысы мен Шымкент қаласының кей жерлерінде қатты жауын-шашын (жаңбыр, қар) болады. Кей жерлерде тұман, көктайғақ, батыстан, солтүстік-батыстан соққан желдің жылдамдығы секундына 15-20 метрге жетеді.

20 желтоқсанда Маңғыстау облысының кей жерлерінде көктайғақ, тұман түсуі ықтимал.