Қанипа ұстаз атына көше беріледі
<p style="text-align: justify;">Қалалық мәслихат отырысында Амурская көшесін ұлағатты ұстаз, КСРО мемлекеттік сыйлығының лаураеты, «Құрмет» орденінің иегері Қанипа Бітібаева көшесі деп өзгерту туралы ұсыныс бірауыздан қолдау тапты, деп хабарлайды <a href="https://egemen.kz/">Egemen.kz</a></p>
Естеріңізде болса, газетіміздің 30 қарашадағы нөміріне «Бітібаеваның атына бір көше бұйырмай тұр» атты мақала шыққан-тұғын. Сондай-ақ, онамастика мәселесі Шығыс Қазақстандағы «Алтай асу» қоғамдық бірлестігінің үнемі назарында.
«Қанекең дүниеден озғалы 6 жылдан асты. Ол кемеңгеріміздің есімін мәңгіліктеу мақсатында облыс әкімі Даниал Ахметовке, қала әкіміне Жазушылар Одағының облыстағы филиалы, «Алтай асу» ҚБ-і, қаладағы зиялылардың, ұсатаздың шәкірттері атынан бірнеше мәрте сұраныс-хаттарын жаздық. Ол талап-тілектердің мазмұны жалқы: Бітібаеваға өзі ғұмыр бойы қызмет еткен Жамбыл атындағы мектеп-гимназияның атын, өзі тұрған көшенің атауын беру. Жолданған хаттардың кірген ізі бар да, шыққан ізі жоқ» – деп жазған Жазушылар Одағының Шығыс Қазақстан облысындағы филиалының төрағасы Әлібек Қаңтарбаев.
Көп тілегі көл. Енді Өскемендегі Амурская көшесі Қанипа ұстаздың атымен аталады.
Өскемен қаласы