Шығыс Қазақстанда жол бойында жиналған қар жасанды жолмен түсірілді
<p style="text-align: justify;">Шығыс Қазақстан облысында «Қазселденқорғау» филиалының бақылаушылары жүргізген мониторингтен кейін, көшкін жүру қаупі бар беткейлердегі жиналған қар жасанды жолмен түсірілді, деп хабарлайды <a href="https://egemen.kz/">Egemen.kz.</a></p>
Мамандардың айтуынша, күре жолдарды басып қалу қаупі бар беткейлерде 70 сантиметрдей қар жиналған.
«Биыл Өскемен – Таулы Үлбі, Өскемен – Алтай, Өскемен – Самар автожолдарында жасанды жолмен алғашқы көшкіні түсірдік. Алдағы мерекелерде халық ауылдарына, демалыс базаларына еш үрейсіз шыға берулеріне болады», деді «Қазселденқорғау» ШҚО филиалының директоры Омар Дүзгембаев.
Жүргізілген 10 жарылыстың нәтижесінде 4 470 текше метр қар массасы түсірілді.
Шығыс Қазақстанда қар көшкіні қаупі бар учаскелер саны 497 болса, олардың 336-сы нысандар мен адам өміріне қауіп төндіреді.