Шымкент қаласының әкімі ардагерлермен кездесті
<p style="text-align: justify;">Шымкент қаласының әкімі Мұрат Әйтенов ардагерлермен өткен кездесуде осы жылғы атқарылған жұмыстарды саралады, деп хабарлайды <a href="/" target="_blank" rel="noopener noreferrer">Egemen.kz</a></p>
Басқосуда аға буын өкілдері қаланың гүлденуі мен әрі қарай дамуы үшін әрқашан кеңесуге дайын екенін жеткізді.
– Індетке байланысты өздеріңізбен ұзақ уақыт жүздесе алмадық. Алайда жаңа жыл қарсаңында шақыртуымызды қабыл алғандарыңыз үшін рақметімді жеткізгім келеді. Қаланы гүлдендіру жолында сіздердің ақыл-кеңестеріңіз бен ой-пікірлеріңіз біз үшін өте маңызды. Алдағы жылы да, әр бастаманы сіздермен кеңесіп, бірлесе жұмыс атқаратын боламыз, – деді қала әкімі.
Мұрат Дүйсенбекұлы келесі жылғы жоспарлар жөнінде де қысқаша баяндады. Сөз соңында ардагерлерді жаңа жыл мерекесімен құттықтап, ұзақ өмір, бақытты ғұмыр тіледі.
Кездесуде барлық санитарлық-эпидемиялық талаптар сақталды.