Атырауда 1018 жұмысшының 263,8 млн теңге жалақы қарызы өтелді
<p style="text-align: justify;">Атырау облысында 1018 жұмысшының 263,8 млн теңгегі құраған жалақы қарызы өтелді, деп хабарлайды <a href="https://egemen.kz/">Egemen.kz</a></p>
Облыстық мемлекеттік еңбек инспекциясы басқармасы мамандарының айтуынша, жұмысшылардың еңбекақысын уақытылы төлемеу – әлеуметтік жағдайына әсер ететін фактор. Еңбекақыны кешіктіру мен төлемеу жағдайына жол бермеу үшін тиісті органдармен бірге жүйелі мониторинг жүргізіп, бірлескен шаралар қолға алынды.
«Былтыр бірлесе атқарылған осындац шаралардың нәтижесінде 11 мекемедегі 1018 жұмысшының еңбек құқығы қорғалып, 263,8 млн теңге жалақысы толығымен өндірілді. ҚР Еңбек кодексінің талаптарын сақтамай, еңбекақыны мерзімінен кешіктіргені, толық төлем жүргізбегені үшін мекеме басшыларына заң бұзушылықты жою туралы 20 нұсқама берілді. Мекемелерге қатысты 58 әкімшілік хаттама толтырылып, 11,3 млн теңге айыппұл салынды. Айыппұл толығымен өндірілді», деп хабарлады аталған басқармадан.