Атырауда нөмірі жасырылған көлікті жүргізген жасөспірім ұсталды
<p style="text-align: justify;">Атырауда патрульдік полиция қызметкерлері мемлекеттік нөмірі медициналық маскамен жасырылған «Тойота Камри» автокөлігін жүргізген жасөспірімді ұстады, деп хабарлайды <a href="https://egemen.kz/">Egemen.kz</a></p>
«Тексеру кезінде бұл көлікті 16 жастағы жасөспірім жүргізгені анықталды. Жасөспірімге қатысты ҚР Әкімшілік құқықбұзушылық туралы Кодексінің 590-бабының 4-бөлімімен әкімшілік хаттама толтырылды. Іс құжаттары сотқа жолданып, автокөлік айып тұрағына қойылды» деп хабарлады облыстық полиция департаментінің баспасөз қызметі.
Сондай-ақ жасөспірімге аталған Кодекстің 612-бабының 4-бөлімімен әкімшілік хаттама толтырылып, 29 170 теңге көлемінде айыппұл салынды. Оның ата-анасына Әкімшілік құқықбұзушылық туралы Кодексінің 442-бабының 2-бөлімімен әкімшілік хаттама толтырылып, ескерту берілді.