Халық таңдауы қашанда күмәнсіз
<p style="text-align: justify;">Экзит-пол нәтижесі бойынша Мәжіліс сайлауында 9,03 пайыз дауыс жинаған Қазақстан­ның Халық партиясының төрағасы Айқын Қоңыров өз әріптестерін және сайлау­шыларды құттықтады.</p>
Ол Қазақстан Республикасы Парламент Мәжілісі мен мәслихаттар сайлауының алдын ала жарияланған нәтижесіне көңілі толатынын білдіріп, сайлауда жеткілікті дауыс жинаған және қатысқан өзге партияларға сәттілік тіледі.
«Сайлауалды үгіт-насихат науқаны кезінде депутаттықтан үміткерлер үшін тең жағдай қарастырылды. Ешқандай қиыншылық пен кедергі болған жоқ. Экзит-пол нәтижесі біздің мүмкіндігіміздің мол екенін көрсетеді. Сайлауалды жұмыстарға қатысқан әріптестеріме және сайлаушыларға ризашылығымды білдіреміз», деді Қазақстан Халық партиясының төрағасы Айқын Қоңыров.