Атырау облысында ұрланған шетелдік көлік иесіне қайтарылды
<p style="text-align: justify;">Облыстық полиция департаменті баспасөз қызметінің мәліметіне сүйенсек, Жылыой ауданының орталығы – Құлсары қаласында «Range Rover» маркалы шетелдік көлік ұрланған, деп хабарлайды <a href="/" target="_blank" rel="noopener noreferrer">Egemen.kz</a>.</p>
«Құлсары қаласының 32 жастағы тұрғыны үйінің ауласында тұрған автокөлігінің жоғалғаны туралы 102 операторлық нөміріне хабарлады. Осыған байланысты жедел басқару орталығының бейнебақылау инспекторы жоғалған көліктің бағытын анықтады. Жедел іс-шараның нәтижесінде Құлсары қаласының 31 жастағы тұрғыны анықталып ұсталды» деп хабарлады департаменттің баспасөз қызметінен.
Қазір аталған дерекке қатысты ҚР Қылмыстық Кодексінің 200-бабының 1-бөлігімен сотқа дейінгі тергеу жүріп жатыр.