Экспорттаушыларға электронды шот-фактуралар қажет
<p style="text-align: justify;">Еліміздің Қаржы министрлігінің Мем­лекет­тік кірістер комитеті 2021 жылдың 20 қаң­тарынан бастап Дүниежүзілік сауда ұйымының алып қою тізбесіне енгізілген тауарларды Еуразиялық экономикалық одақ елдеріне экспорттау кезінде электронды шот-фактураларды (ЭШФ) жазып беру проблемасы туындағанын хабарлайды.</p>
ЭШФ жазып беру мүмкіндігі қайта жаңартылғанға дейін тауарға ілеспе жүкқұжаттарды (ТІЖ) куәландыру үшін тіркелген ТІЖ деректеріне сәйкес ЭШФ нысаны бойынша қағаз жүзінде шот-фактура қалыптастыру қажет.
Экспорттаушының тіркелген жеріне қарамастан қағаз жүзіндегі ЭШФ және ТІЖ көшірмелерін куәландыру, аудандық мемлекеттік кірістер басқармаларында жүзеге асырылады.
Мемлекеттік кірістер органдарының аумақтық бөлімшелері куәландыру бойынша тиісті рәсімдерді жедел жүргізуге бағытталған, сондай-ақ қағаз жүзіндегі ЭШФ және ТІЖ көшірмелерін тікелей Мемлекеттік шекарада куәландыру сұрағы пысықталуда.
ЭШФ куәландыру, Мемлекеттік шекараны кесіп өту, сондай-ақ РФ аумағында проблемалық мәселелер туындаған жағдайда +77017071411 телефоны бойынша хабарласу қажет, деп хабарлады аталған ведомствоның баспасөз қызметі.