Тәуекелі төмен аймаққа ауысты

Елімізде 10 ақ­пандағы жағ­дай бойынша жалпы 198 086 нау­қас COVID-19 індетін жұқ­тыр­­ған. Бүгінде инфекциялық төсек орындарының 26 пайызында нау­қ­ас бар, реанимациялық орын­дардың 18 пайызында пациент жа­тыр.

«Осы аптада эпидемиялық жағ­­дай­дың матрицасы бойынша Қазақстан орташа қауіпті аймақ­тан тәуекелі төмен аймаққа өтті. 3 өңір – Ақмола, Пав­лодар облыс­тары және Нұр-Сұлтан қаласы «қызыл аймақта» тұр. «Сары ай­мақта» – 3 өңір – Батыс Қазақ­стан, Қостанай, Солтүстік Қазақ­стан облыс­тары бар. Қалған 11 өңір – «жасыл аймақта. Шекара маңы аудандар­ында эпидемиялық жағ­дайдың тұрақтануына байланысты 2021 жылғы 2 ақпаннан бас­тап ел аумағында коронавирус инфекциясының таралуы­на жол бермеу жөніндегі ведом­ство­аралық комис­сияның шеші­мімен Қазақстан Мемлекеттік шекарасын кесіп өту тәртібіне бірқатар жеңілдіктер енгізілді», деді министр.

Қазақстан азаматтары үшін, сонымен бірге шетелдіктер мен аза­маттығы жоқ адамдар үшін де шекараны кесіп өту жиілігі 3 есеге ұлғайтылды. Ерек­ше жағдайларда: емделуге, оқуға бару, қызметпен, отбасы мүше­лерін жерлеу­ге баруға, отбасындағы жағ­дайы ауыр нау­қас­­қа күтім жасау, жолаушы тасымалы, ха­­лық­аралық тасымал үшін шектеу жоқ. Қазақстан Үкіметінің шешімі бо­йын­­ша тікелей әуе қатынасы қай­та қал­пы­на келген (тұрақты, тұ­рақты емес чар­­терлік рейстер) мемлекеттерге шетел­дік­тердің шы­ғуына, Қазақстан аумағына кіруіне, транзитпен өтуіне рұқсат етіледі.

Сонымен қатар министр «As­hyq» қосымшасы 13 мыңнан астам бизнес субъектісінің қыз­метін қайта қалпына келтіруге көмектесетінін атап өтті.

«Коронавирус пандемиясы бас­тал­ғаннан бері бүкіл әлемдегі биз­нес­тің жұмысына шектеу қойылды, кәсіп­керлерге табыс кірмей қалды. Бұл біз­дің елге де қатысты. 13 мыңнан астам бизнес субъектісі әлі күнге дейін қыз­метін қайта бастай алмай отыр. «Ата­мекен» ҰКП-ның қатысуымен биз­нес қауымдастық Оңтүстік-Шығыс Азия ел­дерінің (Гонконг, Сингапур, Малайзия) тәжірибесін ескере отырып, «АSHYQ» жобасын іске асыруды ұсынды», деді А.Цой.

«Ashyq» мобильді қосым­шасын «Атамекен» ҰКП, Цифр­лық даму, инновациялар жә­не аэроғарыш өнеркәсібі министр­лігі және Денсаулық сақтау ми­нистрлігінің тапсырысы бойынша отандық IT-компания әзірлеген. Бүгінде қанатқақты режімде «АSHYQ» қосымшасы Алматы, Нұр-Сұлтан жә­не Қарағанды қалаларында қызмет көр­сетуге рұқсат етілген нысандарда (фит­нес-орталық, спа-орталық, бас­сейн, монша, кинотеатрлар) іске қосыл­ды. Қазір 40 нысан «Ashyq» пилоты­на ерікті түрде қатысуда. «Ashyq» мо­бильді қосымшасы QR-код арқылы және Денсаулық сақтау министрлігінің ортақ базасымен интеграциялау арқы­лы келушінің мәртебесін, оның вирус тасымалдаушысы емес екенін анық­тауға мүмкіндік бе­реді. Сондай-ақ нысан­дардың келушілерді қабылдауға әзір­лігін және олардың санитарлық талап­тарға сәйкестігін көрсетеді.

«QR-код тек бизнес субъек­ті­леріне беріледі. Келуші «Ashyq» мобильді қо­сым­шасын өз телефонына жүктеп, теле­фон нөмірі бойынша авторизация­лаудан өтуі және мекеменің QR-кодын ска­­нерлеуі қажет. Түстерге бөлу әлеуметтік желілерде талқы­лан­ғандай, адамдардың жеке өмірін бақы­лауға арналмаған. Бұл науқасты анықтайды немесе адамның каран­тиндегі пациент­пен жақын байла­нысы бары-жо­ғын көрсетеді. «Аshyq» мобильді қосымшасын әркім өз ер­кі­мен қолданады және ол қауіпсіз орта қа­лып­тастыруға, келушілерді вирус жұқтыру, індеттің таралу қау­пінен қорғауға ба­ғыт­талған, сон­дай-ақ бизнеске карантин кезінде қызметін жалғастыруға мүм­кіндік береді», деп түсіндірді А.Цой.

Жиын барысында ведомство басшысы вакциналауға да тоқталып, 10 ақпандағы жағдай бойынша 13 301 медицина қыз­меткері екпе алғанын айтты.

«Мемлекет басшысының тап­сырмасымен Қазақстанда 1 ақ­панда Ресейде шығарылған «Спут­ник V» вакцинасымен КВИ-ге қарсы вакциналау басталды. Вакциналау барлық өңірде жү­руде, 778 егу пункті ашыл­ды, олардың 166-сы қазір іске қо­сылды, барлығы тоңа­зытқыш­пен қамтамасыз етілген. 9 мың­нан астам медицина қызметкері оқы­тылды», деді министр.

Вакциналауды бірінші болып ин­фекциялық стационар, жедел меди­ци­налық көмек, сондай-ақ КВИ-мен сырқаттанудың жоғары қаупі бар басқа да бейіндегі медицина қызметкерлері алады. Одан кейін қатарға педагог, күш құрылымдарының қызметкерлері қосылады. Вакцинаның қорғау әсері бірінші дозадан соң 12-14 күннен кейін байқалады, бірақ толық иммунитет қалыптасу үшін екі доза қажет, ек­пені араға 21 күн салып қайталау ұсы­нылады. Толық курстан кейін 1,5 ай ішін­де ағзада иммундық реакция пайда бо­лады, осыған байланысты егілген адам­дар профилактика шараларын сақ­тауы қажет.

«Вакциналау жоспары бір­неше рет ай­тылды. Қазақстанда Қарағанды фарма­цевтикалық кешені шығаратын «Спут­ник V» вакцинасын жеткізу және пай­далану жоспарлануда. Қазірдің өзінде 90 мың доза көлемінде бірінші пар­тияның өндірісі басталды, ол Бірыңғай дис­трибьютордың қоймаларына және одан әрі өңірлерге ақпан айының соңы­на қарай жөнелтіледі. Шілде айына дейін өндіріс көлемі 2 млн дозаға жете­ді», деді министр.

Денсаулық сақтау министрі Алек­сей Цой вакциналаудың маңызына тоқ­талып, оның 400 жылдан астам уақыт бойы адамзатты шешек, оба сияқ­ты қауіпті, өлімге әкелетін аурулардан қорғап келгенін айтты.

«Соңғы 30 жылда эпиде­миялық паро­титпен сырқаттану­шылықтың 870 еседен артық төмендегені, халық ара­сында «В» вирустық гепатитімен сырқат­танудың 150 есеге, көкжөтелмен сыр­қаттанудың 7,3 есеге төмен­дегені байқалды. Қазіргі уақытта полиомиелит, дифтерия, сіреспе, қызамық сияқты инфекциялар ұмы­тылған. Сондай-ақ халық ара­сында «коронавирус инфек­ция­сымен ауырып шыққан дұрыс» деген пікір бар, бірақ оның им­мундық жүйеге және созыл­­малы аурулардың өршуіне әсер ететін, «ковидтан кейінгі» асқы­нулар болатынын, өкпе, бауыр, жүрек сияқты өмірлік ма­ңыз­ды ағзалардың функция­сы бұзы­латынын еске салғым ке­леді. Қалпына келу про­цесі өте қиын. Көп жылдық тәжірибе көр­сеткен­дей, вакциналау – әлем­де ауру­­лар­дың таралуының алдын алудың барын­ша тиімді құ­рал­дарының бірі», деді А.Цой.