Түркістан облысында 538 шақырым жол жөнделеді
<p style="text-align: justify;"><span class="s2"><span class="bumpedFont15">Түркістан облысында </span></span><span class="s2"><span class="bumpedFont15">биыл</span></span><span class="s2"><span class="bumpedFont15"> автомобиль жолдары саласында құрылыс-жөндеу жұмыстарымен 156 нысан қамтылады. Оның ішінде 538 шақырым жол мен елді мекен көшелеріне жөндеу жұмыстары жүреді, деп хабарлайды <a href="/" target="_blank" rel="noopener noreferrer">Egemen.kz</a></span></span></p>
Өңірлік коммуникациялар қызметінде өткен брифингте облыстық жолаушылар көлігі және автомобиль жолдары басқармасының басшысы Ролан Ибрагимов биыл жергілікті маңызы бар автомобиль жолдарының жақсы және қанағатты жағдайдағы үлесін 79 пайыздан 81,4%-ға арттыру көзделіп отырғанын мәлімдеді. Облыста автомобиль жолдары мен елді мекен көшелерінің жалпы ұзындығы 17 286,6 шақырымға жеткен.«Өткен жылы жалпы 868 нысан немесе 1 974,8 шақырым жол мен елді мекен көшелері құрылыс-жөндеу жұмыстарымен қамтылды. Жыл қорытындысымен 828 нысан, тиісінше 1 525,4 шақырым жол пайдалануға берілді. Бұдан өзге, былтыр облыстық маңызы бар автомобиль жолдарының бойына 16 шақырым – веложол, 110,2 шақырым – аяқжол, 4 621 дана жарық шамдар орнатылды», деді басқарма басшысы.
Сонымен қатар Мақтаарал ауданында орын алған төтенше жағдай салдарынан су басқан 47,6 шақырым жол мен 4 көпірге, ал Төлеби ауданында жауған жауын салдарынан зақымданған 14 шақырым жол мен су шайып кеткен 3 көпіргежөндеу жұмыстары жүргізіліп, қалпына келтірілген.
Түркістан облысы