Андрей Финонченко 2013 жылдың үздік футболисі атанды

Қарағандының «Шахтер» клубының шабуылшысы Андрей Финонченко 2013 жылдың үздік футболисі атағына ие болды. Бұл туралы www. egemen.kz тілшісі хабарлады.

Жылдағы дәстүр бойынша премьер-лига командаларының бас жаттықтырушылары мен капитандары және журналистердің арасында өткен дауыс беру нәтижесінде 91 адам Қазақстан ұлттық құрама командасының капитаны үздік футболист атағына лайық десе, оның командаласы Сергей Хижниченкоға 11 адам, «Ақтөбенің» қақпашысы Андрей Сидельниковқа 6 адам дауыс берді.

Андрей биыл «Шахтер» клубының сапында Қазақстан чемпионатында 23 матч өткізіп, 6 гол соқса, Еуропа лигасының іріктеу ойындары мен топтық кезеңінде өткізген 11 кездесуде 3 голдың авторы атанды.

Дастан Кенжалин.

Дереккөз:  http://shahter.kz/