Атырауда 11 мектеп пен 56 балабақша қашан салынады?
<p style="text-align: justify;">Атырау облысында 11 мектеп пен 56 балабақша салу жоспарланып отыр, деп хабарлайды <a href="/" target="_blank" rel="noopener noreferrer">Egemen.kz</a>.</p>
Облыс әкімі Махамбет Досмұхамбетовтің төрағалығымен өткен облыстық мәслихаттағы «Nur Otan» партиясы депутаттық фракциясының отырысында осы мәселе талқыланды.
Депутаттық фракциясының жетекшісі Нұрлыбек Ожаевтың мәліметінше, алдағы бес жылда өңірде 6 480 орындық 11 мектептің, 12 850 орынға есептелген 56 балабақша мен 610 орны бар 6 жатақхананың құрылысы жүргізіледі.
Сондай-ақ, 22 спорт кешені бой көтереді. Бұл тұрғындарды бұқаралық спорттың инфрақұрылымымен қамтуды 38 пайызға жеткізбек. Бұған қоса 10 медициналық нысанның құрылысын жүргізу жоспарға енгізіліпті.