Елімізде 10 су қоймасы қалпына келтіріледі
<p style="text-align: justify;">Үкімет отырысында Экология, геология және табиғи ресурстар министрі Мағзұм Мырзағалиев биыл елімізде 10 су қоймасы қалпына келтірілетінін мәлімдеді, деп хабарлайды <a href="/" target="_blank" rel="noopener noreferrer">Egemen.kz</a></p>
«Бүгінде 41 апатты су қоймасын қалпына келтіру бойынша жұмыс жалғасуда. Оның 11-і қалпына келтірілді. Соның нәтижесінде 14 мыңнан астам тұрғыны бар 15 елді мекенде су басу қаупі жойылды. Биыл тағы 10 су қоймасын қалпына келтіру жоспарлануда. Қалған 20 су қоймасына қатысты жұмыстар алдағы 3 жылдың ішінде аяқталады. Бүгінде осы нысандар су жинағыш ретінде емес, су өткізгіш ретінде қолданылып отырғандықтан, су тасқыны кезінде қауіп төндірмейтіндігін атап өткім келеді», деді ол.
Мағзұм Мырзағалиевтың айтуынша, биыл өзендердің сулылығы қалыпты деңгейде не одан төмен деп күтіліп отыр.
«Республикалық меншік нысандарындағы су шаруашылығының жағдайы министрліктің тұрақты бақылауында. Бұл ретте, коммуналдық меншіктегі гидротехникалық құрылыстардың жай-күйіне облыс әкімдерінің назарын аудару қажет деп санаймыз», деді Мағзұм Мырзағалиев.