Бағдат Мусин «Роскосмос» басшысы Дмитрий Рогозинмен кездесті
<p style="text-align: justify;">Цифрлық даму, инновациялар және аэроғарыш өнеркәсібі министрі Бағдат Мусин «Роскосмос» мемлекеттік корпорациясының бас директоры Дмитрий Рогозинмен кездесу өткізді, деп хабарлайды <a href="/" target="_blank" rel="noopener noreferrer">Egemen.kz</a>.</p>
Кездесу барысында тараптар Жерді қашықтықтан зондтау (ЖҚЗ) технологиялары бойынша ынтымақтастық перспективаларын талқылады.
Атап айтқанда, Қазақстан мен Ресейдің ЖҚЗ жерсеріктері топтамаларын әзірлеу жөніндегі бірлескен жоспарлар, сондай-ақ жедел деректермен алмасу бойынша сервистерді біріктіру мүмкіндіктері қаралды.
Бұдан басқа, тараптар қазақстандық және ресейлік жерсеріктер өндірушілерінің өнеркәсіптік кооперациясы саласындағы әлеуетті ынтымақтастық, оның ішінде Нұр-Сұлтан қаласындағы ғарыш аппараттарының құрастыру және сынау кешенін жүктеуді қамтамасыз ету шеңберіндегі мәселелерді талқылады.
Кездесу қорытындысы бойынша ғарыштық ынтымақтастық саласындағы мәселелерді одан әрі егжей-тегжейлі пысықтау туралы уағдаластықтарға қол жеткізілді.