Ақ халаттылардың абзал бейнесі
<p style="text-align: justify;">Жаһандық індетпен жан ұшыра алысқан ақ халатты абзал жан­­дарға қандай құр­­мет көрсетсе де ла­йық­ты. Ауыр дертпен арпалысқан дәрі­гер­лердің құрметіне орай Ұлттық музейде «Жақ­сы дәрігер» атты фотокөрменің ашы­лу салтанаты мен «Ба­тырлар өз ортамызда» кітабының /white book/ тұсаукесер рәсімі өтті.</p>
Айтулы жиынға мұрындық болған «Sultan MAGAZINE» республикалық қоғамдық-саяси, ақпараттық-танымдық журналы.
Көрменің салтанатты ашылу рәсімінде беташар сөзді Денсаулық сақтау министрі Алексей Цой алды.
«Бүгінгі көрме мен «Батырлар өз ортамызда» атты кітаптың тұсаукесерін Тәуелсіздіктің 30 жылдығына орайластыру – өте жақсы идея. Себебі қиналғанда көмек сұрап, ауырғанда шипа іздеп алдына барған кез келген науқасқа қолдау көрсететін, өмірлеріне қауіп төнген сәтте араша түсіп, тіпті кейде екінші рет өмір сыйлап жататын дәрігерлерімізге қандай құрмет көрсетсек те лайық», деді А.Цой.
Одан кейін сөз алған Корей Республикасының Қазақстандағы Төтенше және өкілетті елшісі Ку Хонг Сок пен Парламент Мәжілісінің депутаты, «Ақжол» демократиялық партиясының жетекшісі Азат Перуашев медицина қызметкерлерінің жағдайын жасап, олардың еңбегін бағалаудың ерекше маңызға ие екендігін атап өтті.
Ізгі лебіздерден кейін Тәуелсіздігіміздің 30 жылдығына арналған «Батырлар өз ортамызда» кітабының лентасы қиылды. Аталмыш көрмеге «live» форматтағы 200-ден аса фотосуреттер ұсынылды. Экспозияцияланған әр суреттен медицина мамандарының мейірімді көзқарасы мен тынымсыз еңбегінің анық бейнесін көруге болады.