Теңіз кенішінде 5 автобус отқа оранды

<p style="text-align: justify;">Кеше Атырау облысындағы Теңіз  кенішінде 5 автобус өртенді, деп хабарлайды <a href="/" target="_blank" rel="noopener noreferrer">Egemen.kz</a></p>

Оқыс оқиға 5 наурызда сағат 19:30-да Жылыой ауданында орналасқан Теңіз кенішінде болған.

«ССЕР» компаниясының автотұрағындағы автобустардың бірі өртенді. Өрт бірден жақын маңда тұрған 4 автобусты шарпыды. Жалынды сөндіруге «Теңізшевройл» компаниясының өрт сөндіру қызметінен 30 қызметкер мен 3 техника жұмылдырылды. Өрт жергілікті уақытпен сағат 21:00-де толық жойылды», деп мәлім етті компанияның өкілі Орақ Бисембиев.