Атырауда үш күнде 408 мұғалім вакцина алды
<p style="text-align: justify;"><span class="s2"><span class="bumpedFont15">Атырау облысында </span></span><span class="s2"><span class="bumpedFont15">үш күнде</span></span> <span class="s2"><span class="bumpedFont15">408</span></span><span class="s2"><span class="bumpedFont15"> мұғалім </span></span><span class="s2"><span class="bumpedFont15">коронавирусқа қарсы вакцина салдыр</span></span><span class="s2"><span class="bumpedFont15">ды</span></span><span class="s2"><span class="bumpedFont15">.</span></span></p>
Облыстық денсаулық сақтау басқармасы баспасөз қызметінің мәліметіне сүйенсек, білім саласының қызметкерлері арасында екпеге қатысты түсіндіру жүргізіліп жатыр. Соның бірі Атырау энергетика және құрылыс колледжінде өтті. Онда облыстық санитариялық-эпидемиологиялық бақылау департаментінің бас маманы Ләззат Жайлауова, денсаулық сақтау басқармасының бөлім басшысы Нина Оспанова, №5 қалалық емхананың бөлім меңгерушісі Нұрбақыт Құпжанов, облыстық білім басқармасының бас маманы Гаухар Такузова вакцина алудың маңызын әңгімеледі. Мұғалімдер тарапынан қойылған сауалдарға жауап берді.
«Атырау облысында 9 наурыздан бастап мұғалімдерге коронавирус инфекциясына қарсы вакцинация салу басталды. Соңғы 3 күнде 605 атыраулық вакцина алды. Оның ішінде 408 педагог, 183 медицина қызметкері, 14 мемлекеттік қызметші бар», деп хабарлады басқарманың баспасөз қызметі.