Жазушылар одағына мүшелікке қабылданды
<p style="text-align: justify;">Елордалық жеті қаламгер Қа­зақстан Жазушылар ода­ғының мүшесі атанды.</p>
Одақтың басқарма төрағасы Ұлықбек Есдәулет Нұр-Сұлтан қаласындағы Жазушылар үйінде Иманғазы Нұрахметұлы, Серікзат Дүйсенғазы, Ықылас Ожай, Ұларбек Дәлей, Ербол Бейілхан, Толқын Ақанұлына мүшелік билеттерін тапсырды. Оның ішінде халықаралық «Шабыт» жастар фестивалінің лауреаты, «Egemen Qazaqstan» газеті Мәдениет бөлімінің меңгерушісі, ақын Мирас Асан да бар.
Жалпы, қазіргі таңда елордада Жазушылар одағының 140-тан астам мүшесі тіркелген. Міне, олардың қатары жаңа буынмен толығып отыр. Іс-шара аясында Жазушылар одағының хатшысы, Мемлекеттік сыйлықтың лауреаты, ақын Несіпбек Айтұлы, елордалық филиал директоры Дәулеткерей Кәпұлы қаламгерлерге шығармашылық табыс тілеп, әдебиетке өміршең туындылар қосатынына сенім білдірді.