Атырауда жансақтау бөліміндегі 16 науқастың жағдайы ауыр
<p style="text-align: justify;">Атырауда жансақтау бөлімінде ауыр халдегі 16 науқас емделіп жатыр, деп хабарлайды <a href="/" target="_blank" rel="noopener noreferrer">Egemen.kz</a>.</p>
Облыстық денсаулық сақтау басқармасы баспасөз қызметінің ақпаратына қарағанда, Атыраудағы модульдік инфекциялық аурухананың жансақтау бөлімінде Наурыз мерекесіне дейін 11 науқас жатқан. Қазір олардың саны 16-ға жетіп отыр.
«Жансақтау бөліміндегі науқастардың арасында 12 адам ауыр халде, 4 пациент өте ауыр халде жатыр. Олардың сегізі – 65 жасқа дейінгілер, тағы 8 науқастың жасы 65-тен асқан. Науқастардың 5-еуі өкпені жасанды желдету аппаратына қосылған. Барлық науқас денсаулық сақтау басқармасының бақылауына алынды. Сондай-ақ күн сайын Нұр-Сұлтан қаласындағы Ұлттық медицинаны үйлестіру орталығының, өзге де бейінді мамандардың консультациялары өткізіледі», деп хабарлады басқарманың баспасөз қызметінен.