Косовомен жолдастық матч өткізеді
<p style="text-align: justify;">Футболдан Қазақстан ұлттық құра­масы 1-10 маусым аралығындағы ФИФА-ның ресми күндері аясында Косово футболшыларымен жолдастық матч өткізу жөнінде келісімге келді. Бұл туралы федерацияның баспасөз қызметі ресми түрде мәлімдеді.</p>
«Қазақстан мен Косовоның футбол федерациялары арасында жолдастық кездесу өткізу туралы келісімге қол қойылды. Матч 4 маусым күні Косово астанасы – Приштина қаласындағы «Фадиль Вокри» стадионында өтеді. 2016 жылдың мамырында ресми түрде УЕФА мен ФИФА-ның мүшелігіне қабылданған Косово құрамасы қазіргі таңда ФИФА рейтингінде 120-орында тұр. Косово – біздің құраманың тарихында 69-шы, ал Еуропа елдерінің ішінде 40-шы қарсылас болмақ», делінген хабарламада.
Айта кетейік, Косово құрамасын 2018 жылдан бастап швейцариялық маман Бернар Шалланд жаттықтырады.