Ибн Хатиб ауруханасындағы өрттен 82 адам қаза тапты
<p style="text-align: justify;">25 сәуірге қараған түні Бағдадтағы Ибн әл-Хатиб ауруханасында өрт болды, деп хабарлайды <a href="/" target="_blank" rel="noopener noreferrer">Egemen.kz</a> «Анадолы» <a href="https://www.aa.com.tr/ru/%D0%BC%D0%B8%D1%80/%D1%87%D0%B8%D1%81%D0%BB%D0%BE-%D0%B6%D0%B5%D1%80%D1%82%D0%B2-%D0%BF%D0%BE%D0%B6%D0%B0%D1%80%D0%B0-%D0%B2-%D0%B1%D0%BE%D0%BB%D1%8C%D0%BD%D0%B8%D1%86%D0%B5-%D0%B2-%D0%B1%D0%B0%D0%B3%D0%B4%D0%B0%D0%B4%D0%B5-%D1%83%D0%B2%D0%B5%D0%BB%D0%B8%D1%87%D0%B8%D0%BB%D0%BE%D1%81%D1%8C-%D0%B4%D0%BE-82/2220071">агенттігіне</a> сілтеме жасап.</p>
Бағдадтағы коронавирус жұқтырған науқастарға арналған ауруханадағы өрттен зардап шеккендердің саны 82-ге дейін жетті. Бұл туралы Ирак телеарнасының эфирінде Ирак ішкі істер министрлігінің ресми өкілі Халид аль-Миханна хабарлады.
«Коронавирустың жаңа түрімен (COVID-19) емделіп жатқан Ибн әл-Хатиб ауруханасында болған өрттің салдарынан 82 адам қайтыс болды, тағы 110 адам жарақат алды», деді Халид аль-Миханна.
Десе де Ішкі істер министрлігінің өкілі өрттің себептерін атаған жоқ. Болжам бойынша өрт оттегі баллонының жарылуынан шыққан болуы мүмкін.
Куәгерлердің айтуынша, ғимараттың ішінде дүрбелең басталып, адамдар терезеден секірген. 200-ден астам науқас құтқарылды.
Екі қабатты аурухананың іші толығымен жанып кетті. Ал қаза тапқан науқастардың көпшілігі көміртегі тотығымен уланған.
Аталған жағдайға байланысты Ирак премьер-министрі мұқият тергеу жүргізуді тапсырды. Сонымен қатар ол елдің денсаулық сақтау министрі мен Бағдад мэрін қызметінен шеттетті деген хабар бар.
Халық құрбандарды үш күн аза тұтады.