Оскар жеңімпаздары марапатталды
<p style="text-align: justify;">Лос-Анджелесте 93-ші «Оскар» сыйлығының иегерлері анық­талды. Биыл «Оскардың» басты фильмі ретінде Хлоя Чжаоның «Көшпенділер мекені» (Nomadland) фильмі таңдалып, бірден үш аталым бойынша («Үздік фильм», «Үздік режиссер», «Үздік актриса») жүлдеге ие болды.</p>
Ал «Үздік анимациялық фильм» номинациясы бойынша Pixar-дың «Жан» (Soul) мультфильмі үздік шықты. Ол сондай-ақ «Үздік музыкасы» үшін де марапатталды.
«Екінші пландағы үздік актер» номинациясының жеңімпазы «Иуда мен Қара Мессия» фильміндегі рөлі үшін 32 жастағы Даниэль Калууя атанды. Ал 73 жастағы оңтүстіккореялық актриса Юн Ен-Джунға «Екінші пландағы үздік әйел рөлі» марапаты бұйырды.
«Үздік шетел фильмі» номинациясын «Оскар» Томас Винтербергтің «Жаппай ішу» комедиялық-драмалық фильмі жеңіп алды. Ал «Үздік визуалды эффекттер» номинациясы бойынша Кристофер Ноланның «Довод» кинокартинасы марапатталды. «Үздік деректі фильм» жеңімпазы – Netflix Original-дың «Менің сегізаяқты мұғалімім» фильмінің режиссерлері Пиппа Эрлих пен Джеймс Рид болды. Эмиральд Феннелл «Үздік сценарий» сыйлығын «Үміт қызы» дебют фильмі үшін алды.
Сондай-ақ «Үздік қысқа метражды фильм» – Трэвон Фри мен Мартин Десмонд Роудың «Екі бейтаныс жан» атанса, «Манк» туындысының авторлары үздік операторлық жұмыс және көркемдік қойылым номинациясы бойынша «Оскар» жеңіп алды. Ал «Үздік саундтрек» әнші H.E.R.-дің «Иуда және Қара Мессия» фильміндегі Fight for You әні деп танылды.
Айта кетейік, Netflix ірі ағындық қызметі номинация саны жағынан алға озып, 16 санатта 35 номинацияға қол жеткізді. Номинациялар саны бойынша екінші орынға Disney орталығы шықты. Оның үлесінде 15 номинация. Пандемияға байланысты жеңімпаздарды жариялау салтанатына 170 адам қатысты.