Қоғам тыныштығын күзетеді

Баспасөз мәслихатына Ұлттық ұланның әскери кеңесінің хатшысы Савердин Имиров ел Тәуелсіздігінің отыз жылдық мерей­тойын Ұлттық ұлан сарбаз­дары зор ықыласпен қарсы алып отырғанын жеткізе келіп: «Хал­қы­мыздың азаттық жылдарын­дағы басты байлығы – тұрақ­тылық, бейбітшілік және келісім. Бұл құн­дылықтарды және қо­ғамдық қауіпсіздікті сақтау үшін ел қорғаны – Ұлттық ұлан құрылды. Олар қоғам мен мем­лекеттің қауіпсіздігін, азамат­тарымыздың бостандығы мен құ­қығын, қылмыстық және басқа да заңға қайшы әрекеттерден қор­ғайды. Ұлттық ұланның қатар­ында қызмет ету ол үлкен абырой мен құрмет», деді.

Оның айтуынша, әскерде қызмет етуге барлық қажетті жағ­дай жасал­ған. Әскери қызметшілер лайықты жалақымен, түрлі әлеуметтік көмек­термен және баспанамен қамтамасыз етіледі. Осылайша, Ұлттық ұлан Ішкі істер органдарының бірыңғай жүйе­сіне ене отырып, жеке адамның, қоғам мен мемлекеттің қауіпсіздігін қам­тамасыз етуге, адамның және аза­маттың құқықтары мен бостан­дығын қылмыстық және өзге де құқықтық қол сұғушылық­тан қорғауға арналған. Бүгінде Ұлт­тық ұланға заңмен 9 міндет жүк­теліп отыр. Олар 12 стратегиялық және 3 аса маңызды мемлекеттік ны­сан­ды күзетеді. Сондай-ақ қыл­мыстық-атқару жүйесінің 42 мекемесін жіті қадаға­лау­да ұстайды. Бұдан бөлек соттал­ған­дар мен қамауға алынған адамдарды темір жол және автомо­биль көлігімен тасымалдайды. Жоғарғы және әскери соттардың отырыстарында да Ұлттық ұлан­ның жауынгерлері қоғамдық тәртіпті қадағалайды.

«Жеке құрам еліміздің 19 қала­сында қоғамдық тәртіпті күзетеді. Соның нәтижесінде, өткен жы­лы көше қылмысы 52,2%-ға азай­ды. Осы жылғы алғашқы тоқсанның қорытындысы бойын­ша ұландық әскери жасақтар күшімен 3761 құқық бұзушы құрықталған. Соның ішінде 276 адам қылмыстық белгілерге қатысы бар деген дерекпен ұсталған. Сонымен бірге 25 дана суық және атыс қаруы тәркіленді. Мемлекет пайдасына 2 млн теңге мөлшерінде айыппұл өндіріп алынды», деді Ұлттық ұланның әскери кеңесінің хатшысы.

С.Имиров Ұлттық ұлан әскери қыз­метшілерінің қоғамдық қауіпсіздікті қамтамасыз етуге қатысуынсыз бірде-бір ірі халық­аралық, қоғамдық-саяси, спорт­тық және басқа да бұқаралық іс-ша­ралар өткізілмейтінін атап өтті. Бұл тізімде V Астана эконо­ми­калық форумы, Әлемдік және дәстүрлі діндер көшбасшы­лары­ның съездері, 2010 жылғы ЕҚЫҰ саммиті, 2011 жылғы Азия ойындары және тағы басқалар бар.

Мемлекет басшысы Қасым-Жомарт Тоқаевтың тапсырмасы аясында Ұлттық ұланда әс­кер­лерді вакцинациялау жұмысы жүріп жатыр. Бүгінде жеке құрам­ның 34%-ына екпе егілді. Бұл туралы Ұлттық ұланның баспа­сөз хатшысы Руслан Жан­гулин мәлімдеді. Оның айтуын­ша, әскердегі вакцинациялау науқанын осы жылдың 1 маусымында аяқтау жос­парланып отыр. «Әскерлер полиция департаменттерінің емханаларында және жергілікті жерлердің емханаларында егілуде. Мұның барлығы ерікті түрде жүргізіледі. Сондай-ақ мерзімді қызметтегі сарбаздар да вакцинациядан өтіп жатыр», деді Р.Жангулин.

Бұл ретте С.Имиров әскери қыз­метшілерді вакцинациялау Ұлттық ұлан басшыларының ерекше бақы­лауына алынғанын алға тартып отыр. Бүгінде 10 608 адам вакцинаның 1-ші ком­по­нентін, 606 адам 2-ші компо­нентін алып үлгерген екен. Вакци­нациялау жауынгерлердің күнделікті міндеттерді атқару ерекшелігіне қарай жүргізіліп, екпе жұмысы кесте бойынша өтіп жатыр. Сондай-ақ журналис­термен жүздесу барысында Шақыру және жасақтау бөлімінің бастығы Фархат Айдарбаев елімізде әс­кер­ге шақыру науқаны өтіп жат­қа­нын және Ұлттық ұлан жау­ын­­гер­леріне қандай талаптар қо­йылатынын айтып өтті.

«18-27 жас аралығындағы ел азаматтары жылына екі рет көк­темде және күзде әскерге шақыры­лады. Қазіргі кезде шекара қызметі мен қорғаныс министрлігіне әскер­ге шақыру жүріп жатыр. Әс­керге шақырылушыларды ірік­теу және алдын ала зерделеу үшін Ұлттық ұландағы әскери бөлімдердің өкілдері тартылады. Құрамды жасақтау барысында негізі орта білімі бар азаматтар іріктеледі. Бұл ретте, заңда белгіленген тәртіпке сәй­кес, бұрын сотталған немесе Қылмыстық процестік кодекстің 35-бабының тармақтарына сәйкес жауаптылықтан босатылған азаматтар әскерге шақырылмайды. Сон­дай-ақ әскерге шақырылу­шы­ның сотталғандығы бар жақын туыс­тары болған жағдайда да әс­кер­ге алынбайды», деді Ф.Айдар­баев.

Ал Ұлттық ұланның қатарына қосылуға ниет білдіргендер жер­гі­лікті әскери атқару органдар­ын­дағы өкілдерге жүгінуі тиіс. Ел ау­мағын­дағы 17 қалада мерзімді әске­ри қызмет атқаруға болады. Бө­лім бастығының айтуынша, басқа құрылымдарға қараған­да Ұлттық ұлан әскерлері қала ор­та­лық­тарында орналасқан және жаңа техникалармен жабдық­талған.

Өткен жылы елімізде орын алған түрлі төтенше жағдайларды жоюға 5 мыңнан астам әскери қызметші мен 516 бірлік техника жұмылдырылыпты. Ұлттық ұланның жеке құрамы жыл сайын табиғи, техногендік сипаттағы төтенше жағдайларды жоюға қатысады. Сондай-ақ терроризм және ұйымдасқан қылмысқа қарсы топтармен белсенді күрес жүргізеді. Баспасөз мәслихаты барысында С.Имиров әріптестерінің халыққа көрінбейтін қызметі туралы да баяндап берді.

«Адамдар қиындықтар мен қауіп-қатерге, апаттарға душар болған жерлерге Ұлттық ұлан жауынгерлері бірінші болып көмекке келеді. Алматы, Түр­кістан, Қарағанды облыстар­ында­ғы су тасқыны кезінде, Арыс қа­ла­сында жарылыс болғанда, Пав­лодар және Шығыс Қазақстан облыс­та­р­ындағы орман өрттерінде ұлан­дықтар алғаш болып көмекке аттанды. Биыл жауынгерлеріміз қар құрсауынан 326 адамды және 112 бірлік техниканы эвакуациялады, – деді С.Имиров.

Ал пандемия жағдайында Ұлттық ұланның жеке құра­мы жауынгерлік қызметті күшей­тілген режімде ат­қарды. Радиа­циялық, химиялық және биоло­гиялық қорғау бөлімшелері елі­­міз­дің 7 қаласында 158 нысанға ар­найы өңдеу жұмыстарын (дезинфек­ция) жүргізді. Сондай-ақ 671 гектар­дан астам жер аумағы өңделді. Әске­ри ұжымдарда коро­навирустық инфек­цияның тара­луына жол бермеу бо­йынша карантиндік және санитарлық іс-шаралар қолға алынды.