Олимпиада жолдамасынан қағылды

<p style="text-align: justify;">Семсерлесу спортынан Ташкентте (Өзбекстан) өтіп жатқан Азия іріктеу турнирінде қазақстандық спортшы Ульяна Балаганская жарыстың күміс жүлдесіне ие болды.</p>

Олимпия ойындарының жолдамасы сарапқа салынып жатқан құрлықтық іріктеу додасында У.Балаганская финалда сингапурлық қарсыласы Абдул Рахман Кириядан 15:13 есебімен жеңіліп, Олимпиада жолдамасынан тыс қалды. Себебі Токио Олимпиадасының жолдамасы тек Азия іріктеу турнирінде жеңімпаз атанған спортшыларға ғана беріледі. Осылайша, жерлесіміз қолда тұрған алтын жүлдемен бірге, Олимпиада жолдамасынан да қағылды.

Айта кетейік, қазіргі таңда Қазақстан құрамасының еншісінде барлық спорт түрі бойынша Токио Олимпиадасының 48 жолдамасы бар.