Мемлекет басшысы православ христиандарын Пасха мерекесімен құттықтады
<p style="text-align: justify;">Мемлекет басшысы Қасым-Жомарт Тоқаев еліміздегі православ христиандарын Пасха мерекесімен құттықтады, деп хабарлайды <a href="/" target="_blank" rel="noopener noreferrer">Egemen.kz</a> Ақордаға сілтеме жасап</p>
Қымбатты отандастар!
Еліміздегі православ христиандарын көктемнің жарқын мерекесі – Пасхамен құттықтаймын! Бұл қастерлі мейрам жұртшылықты қайырымдылық жасауға, жақынға жанашыр болып, мұқтаж жандарға қамқорлық көрсетуге үндейді. Пасха дәстүрлері жаңару мен жақсылықты, мейірімділік пен әділдікті дәріптейді. Жаһандық індет бәрімізді сынға салған қазіргі кезеңде жалпыадамзатқа ортақ осы құндылықтардың маңызы артып, өзара түсіністікті, татулық пен келісімді нығайтуға септігін тигізуде. Бүгінгі шуақты мереке әр шаңырақты бақыт пен қуанышқа бөлей берсін!
Баршаңызға зор денсаулық, бақ-береке және толағай табыс тілеймін!
Пасха мерекесі құтты болсын!