Түрмеге есірткі тасымалдап жүрген екібастұздық ұсталды
<p style="text-align: justify;">Есірткі сатқан күдікті Екібастұздағы уақытша ұстау изоляторына қамалды, деп хабарлайды <a href="/" target="_blank" rel="noopener noreferrer">Egemen.kz</a></p>
«ҚР ІІМ ҚАЖ комитеті мен Павлодар облысы бойынша қылмыстық-атқару жүйесі департаментінің жедел қызмет қызметкерлері Павлодар облысы полиция департаментінің есірткі қылмысына қарсы іс-қимыл басқармасының қызметкерлерімен бірлесіп марихуана жеткізушілердің жолын кесті», деп хабарлады Павлодар облысы бойынша қылмыстық-атқару жүйесі департаментінің баспасөз қызметі.
Павлодар облысының Шідерті кентінде орналасқан қауіпсіздігі ең төмен АП-162/10 мекемесінде жазасын өтеп жатқан сотталғандарға есірткі сатты деген күдікпен 45 жастағы азамат ұсталған.
«Аталған факті бойынша ҚР ҚК 297-бабы бірінші бөлігі бойынша сотқа дейінгі тергеу басталды. Күдікті Екібастұз қаласының уақытша ұстау изоляторына қамалды», деп толықтырды Павлодар облысы бойынша қылмыстық-атқару жүйесі департаментінің аға жедел уәкілі Арман Қалықов.